Yaponiya 2015-yilda boshpana so‘rovi bo‘yicha kelib tushgan 7586 ta arizadan faqat 27 tasini qondirdi. Bu boshpana berish haqidagi so‘rovlarning 99 foizi rad etilganini anglatadi, deb xabar qiladi “Korrespondent.net”.
So‘rov bilan murojaat qilganlar orasida besh nafar suriyalik fuqaro bo‘lib, ulardan uch nafariga Yaponiyada qolishga ruxsat berildi.
2014-yil davomida esa Yaponiyaga 5000 ta so‘rov kelib tushib, ularning 11 nafariga boshpana berilgan, xolos.
Huquq himoyachilari Yaponiya immigratsiya rasmiylarining qattiqqo‘lligiga va muhojirlarni saqlash joylaridagi noqulay sharoitga ko‘p yillardan buyon e’tibor qaratib kelmoqda.
BMTning qochoq ishlari bo‘yicha agentligining ma’lum qilishicha, Yaponiyada 2419 nafar muhojir yashab kelayotgan bo‘lsa, AQSh 267 ming nafar, Turkiya ― 1,8 million nafar muhojirga boshpana bergan. Shuningdek, yil boshidan buyon milliondan ziyod muhojir dengiz orqali Yevropaga o‘tib ketdi.
Izoh (0)