Сўқир Дзя Хайся ва унинг қўлсиз дўсти Дзя Венчи 12 йил ичида тақир водийни чиройли дарахтзорга айлантирди, дея хабар бермоқда «Kulturologiya.ru». Дўстлар ёш эмаслигига ва баъзи кундалик юмушларни мустақил равишда бажара олмаслигига қарамай, бирга бўлса, ҳақиқий кучга эга бўлади.
53 ёшли Хайся чап кўзида катаракта билан туғилган, 2000 йилда эса ишдаги бахтсиз ҳодиса туфайли, ўнг кўзи ҳам кўрмай қолган ва бутунлай кўрга айланган. Унинг тенгдоши Венчи эса уч ёшлигида қўлларидан айрилган. Улар биргаликда қарийб 4 гектар ерни ям-яшил дарахтзорга айлантиришга қарор қилди.
Ҳар куни тонгги 7 да дўстлар ишга отланади. Уларнинг дўкондан кўчат сотиб олишга пуллари йўқ, шу туфайли Хайся ва Венчи қаламчаларни ўзлари ўстириб-ундиради. Бир неча йил ичида дўстлар юмушларни ўзаро уйғунликда амалга оширишни ўрганди: Венчи кўр Хайсяни елкасига ортиб, дарёдан ўтказиб қўяди, Хайся эса янги қаламчаларни олиш учун дарахтларга тирмашиб чиқади; Венчи қаламчаларни назорат қилиб, уларни суғоради, Хайся эса уларни экиб чиқади. Бундай аҳил ишлаш орқали дўстлар 10 мингтадан ортиқ дарахт экишга муваффақ бўлди.
Хитой янгиликларида қаҳрамонликлари ёритилгач, Хайся ва Венчи катта эътибор ва кўмакка эга бўлди: ҳатто, кимдир иккала дўстни умрлари охиригача пенсия билан таъминлаш учун пул хайрия қилди. Шунингдек, Хайсянинг чап кўзини операция қилиш ҳақида таклиф ҳам тушди.
Изоҳ (0)