Санкциялар бекор қилинганидан сўнг, Эрон Airbus компаниясидан 114 та самолёт сотиб олмоқчи, дея хабар бермоқда «ТАСС» транспорт ва шаҳар тараққиёти вазири Аббос Ахунди баёнотига таяниб.
Унинг сўзларига кўра, Эрон Франциянинг Airbus концерни билан 114 та самолёт харид қилиш ҳақида шартнома тузган. Лайнерлар Эроннинг энг йирик авиаташувчиси — Iran Air компанияси паркини тўлдиради.
Эслатиб ўтамиз, Атом энергияси бўйича халқаро агентлик (МАГАТЭ) Эрон ўз ядро дастурининг музлатилишини назарда тутувчи битимнинг барча шартларини бажаргани ҳақидаги маърузани тақдим этгач, Эронга нисбатан санкциялар бекор қилинди.
Изоҳ (0)