АҚШ президенти Барак Обама суд ҳукмига кўра Америка қамоқхоналарида жазо муддатини ўтаётган уч нафар Эрон фуқаросини афв этди, дея хабар бермоқда «Ведомости» маҳбуслар адвокатига таяниб.
Аввалроқ Вашингтон Теҳрон билан қўш фуқароликка эга бўлган маҳбусларни айирбошлаш ҳақида келишувга эришилганини маълум қилган эди. Унга мувофиқ, Эрон турмаларидан тўрт нафар Америка фуқароси озод этилиши, бунинг эвазига АҚШ Эронга Америка ҳукумати томонидан ҳибсда сақланаётган етти нафар эронликни топшириши керак.
Кейинроқ Теҳрон Америка фуқаролигига эга тўрт нафар маҳбусни озод этишга рози бўлган эди. Шу билан бирга, келишувда кўзда тутилмаган бешинчи америкалик ҳам Эрон қамоқхонасидан чиқариладиган бўлди.
Изоҳ (0)