Бавария бош вазири Хорст Зеехофер Германия канцлери Ангела Меркелнинг муҳожирларни қабул қилиш бўйича сиёсати туфайли унга ультиматум эълон қилди, деб ёзади «РБК». Бундай баёнотни у Spiegel журналига берган интервьюсида айтиб ўтди.
Унинг сўзларига кўра, яқин 14 кун ичида Бавария ҳукумати федерал ҳукуматдан ёзма шаклда чегараларда муайян юридик меъёрларни қайта тиклашни талаб қилмоқчи. «Агар улар буни амалга оширмаса, бизда уларни Федерал конституциявий судга беришдан бошқа илож қолмайди», — дея аниқлик киритди Зеехофер.
Унинг таъкидлашича, федерал ҳукумат сиёсати қонунларга мос келмагани туфайли, у қочоқларни боқиш бўйича харажатларни ўз бўйнига олиши керак.
Нашр эслатишича, Германиянинг Кёльн ва бошқа қатор шаҳарларида Янги йил арафасида аёлларга кетма-кет ҳужумлар амалга оширилганидан сўнг, ноқонуний муҳожирлик мавзуси яна жамоатчилик диққати марказига тушди.
Изоҳ (0)