Кения президенти Ухуру Кениата «Аш-Шабоб» жангариларининг Сомалидаги Африка Иттифоқи тинчликпарвар кучлари базасига ҳужуми оқибатида мамлакат ҳарбий хизматчилари ҳалок бўлганини тасдиқлади. Бу ҳақда «ТАСС» хабар бермоқда.
«Афсуски, ҳарбий либосдаги ватанпарварларимиз орасида бой берганларимиз бор. Шахсан ўзим ва давлатимиз номидан қурбон бўлганларнинг оиласи ва яқинларига ҳамдардлик билдираман. Мамлакатимиз сиз билан», — дея таъкидлаган президент.
«Аш-Шабоб» жангарилари тинчликпарвар кучлар базасига уюштирган ҳужум оқибатида камида 50 нафар кениялик ҳарбий ҳалок бўлгани билдирилмоқда.
Изоҳ (0)