Sanksiyalar bekor qilindi, endi Eron Airbus kompaniyasidan 114 ta samolyot sotib oladi

Sanksiyalar bekor qilinganidan so‘ng, Eron Airbus kompaniyasidan 114 ta samolyot sotib olmoqchi, deya xabar bermoqda “TASS” transport va shahar taraqqiyoti vaziri Abbos Axundi bayonotiga tayanib.

Uning so‘zlariga ko‘ra, Eron Fransiyaning Airbus konserni bilan 114 ta samolyot xarid qilish haqida shartnoma tuzgan. Laynerlar Eronning eng yirik aviatashuvchisi — Iran Air kompaniyasi parkini to‘ldiradi.

Eslatib o‘tamiz, Atom energiyasi bo‘yicha xalqaro agentlik (MAGATE) Eron o‘z yadro dasturining muzlatilishini nazarda tutuvchi bitimning barcha shartlarini bajargani haqidagi ma’ruzani taqdim etgach, Eronga nisbatan sanksiyalar bekor qilindi.