20 декабрь, якшанба куни кундузги пайт Волгоград шаҳрининг Космонавтлар кўчасидаги кўп қаватли уйда биринчидан тўққизинчи қаватгача бўлган подъезднинг қулаб тушишига олиб келган портлаш рўй берди. Кейинчалик ёнғин туфайли яна бир портлаш содир бўлди, дея хабар беради «Газета.ru».
Ҳодиса рўй берганидан икки соат ўтиб терговчилар портлаш бўйича текширувни бошлади, полиция уй атрофидаги ҳудудни қуршаб олди. Аввалига ОАВда юз берган ҳолат қўпорувчилик бўлиши мумкинлиги ҳақидаги тахминлар пайдо бўлди, бироқ кун ярмига келиб фавқулодда вазиятлар хизмати портлашга маиший газнинг сизиши сабаб бўлганини маълум қилди.
Дастлабки маълумотларга кўра, подъездда 150 нафарга яқин одам истиқомат қилган. Касалхонага 11 киши, жумладан, оғир ҳолатдаги ҳомиладор аёл келтирилган. Оператив штаб маълумотига кўра, ҳодиса оқибатида камида 5 киши ҳалок бўлган. Уй вайроналари остида 14 кишигача қолиб кетган бўлиши мумкинлиги айтилмоқда.
Изоҳ (0)