Австралия пляжларидан бирида кучли тўлқин олиб кетиб қолган 10 ёшли Дания шаҳзодаси Кристианга пляж қутқарувчиси Ник Малькольм ёрдамга келди. Бу ҳақда Sky News Australia телеканалига таяниб, «Интерфакс» хабар бермоқда.
Ҳодиса 17 декабрь, пайшанба куни, ёш шаҳзода ота-онаси — валиаҳд Фредерик ҳамда малика Мэри билан бирга дам олаётган Австралиянинг Голд-Кост шаҳридаги пляжда рўй берди. Кристианни тўлқинлар қирғоқдан узоққа олиб кетиб қолди, лекин буни пайқаган Ник Малькольм шаҳзоданинг олдига сузиб бориб, уни ота-онаси бағрига қайтарди.
Телеканалнинг маълум қилишича, эртасига валиаҳд ва малика қутқарувчига шахсан миннатдорчилик билдириш учун пляжга келган.
Изоҳ (0)