20-dekabr, yakshanba kuni kunduzgi payt Volgograd shahrining Kosmonavtlar ko‘chasidagi ko‘p qavatli uyda birinchidan to‘qqizinchi qavatgacha bo‘lgan podyezdning qulab tushishiga olib kelgan portlash ro‘y berdi. Keyinchalik yong‘in tufayli yana bir portlash sodir bo‘ldi, deya xabar beradi “Gazeta.ru”.
Hodisa ro‘y berganidan ikki soat o‘tib tergovchilar portlash bo‘yicha tekshiruvni boshladi, politsiya uy atrofidagi hududni qurshab oldi. Avvaliga OAVda yuz bergan holat qo‘poruvchilik bo‘lishi mumkinligi haqidagi taxminlar paydo bo‘ldi, biroq kun yarmiga kelib favqulodda vaziyatlar xizmati portlashga maishiy gazning sizishi sabab bo‘lganini ma’lum qildi.
Dastlabki ma’lumotlarga ko‘ra, podyezdda 150 nafarga yaqin odam istiqomat qilgan. Kasalxonaga 11 kishi, jumladan, og‘ir holatdagi homilador ayol keltirilgan. Operativ shtab ma’lumotiga ko‘ra, hodisa oqibatida kamida 5 kishi halok bo‘lgan. Uy vayronalari ostida 14 kishigacha qolib ketgan bo‘lishi mumkinligi aytilmoqda.
Izoh (0)