Номаълум кишилар Малидаги БМТ базаси жойлашган Гао шаҳрига ракета ёғдирди

Номаълум шахслар Мали шимолидаги Гао шаҳрига қарата ракеталар учирди, у ерда БМТ тинчликпарварлари ва Франция минтақавий хавфсизлик кучлари базаси жойлашган, деб ёзади «РИА Новости».

Ҳодиса натижасида ҳалок бўлганлар ва яраланганлар ҳақида маълумотлар йўқ. Ҳозирча ҳеч қайси гуруҳ воқеа юзасидан жавобгарликни ўз бўйнига олганича йўқ.

Эслатиб ўтамиз, 20 ноябрь, жума куни жангарилар Мали пойтахти Бамакодаги Radisson меҳмонхонасига ҳужум қилиб, 170 кишини гаровга олган. Мамлакат президенти Ибрагим Бубакар Кейта мазкур ҳужум оқибатида 19 киши ҳалок бўлганини билдирганди.