Дунё муаммоларини ўрганиш бўйича Стокгольм институти маърузасида 11 та Россия компанияси 2014 йилги дунёнинг етакчи қурол ишлаб чиқарувчилари рўйхатига киритилди, деб ёзади «Газета.ru».
«Биринчи юзталикка ҳозирда 11 та Россия компанияси киради, уларнинг даромадлари 2013—2014 йилларда жами 48,4 фоизга ўсган», — деди институт ходими.
Маърузада таъкидланишича, Россия мураккаб иқтисодий вазиятга қарамасдан, 2014 йилда қурол-яроғ сотиш ҳажмини оширишда давом этди, натижада биринчи юзликдаги компаниялари сони 9 тадан 11 тагача кўпайди, уларнинг биргаликдаги ҳиссаси умумий сотув ҳажмининг 10,2 фоизини ташкил қилди.
Изоҳ (0)