Покистоннинг Парачинар шаҳридаги бозорда рўй берган портлаш қурбонлари сони 25 нафарга, жароҳатланганлар эса 62 кишига етди. Бу ҳақда «РИА Новости» хабар бермоқда.
Гувоҳлар терактни жиноят жойидан яширинишга уринган икки киши амалга оширган бўлиши мумкинлигини тахмин қилмоқда. Улар қўлга олинган ва расмийларга топширилган. Dawn нашрининг маълум қилишича, портловчи қурилмада 35—40 килограмм атрофида портловчи модда бўлган. Теракт учун жавобгарликни бир йўла икки экстремистик гуруҳ — «Лашкар-э-Жангви ал-Алами» ва «Ансарул Мужахидин» ўз зиммасига олган.
Эслатиб ўтамиз, олдинроқ Парачинардаги портлаш қурбонлари 15 кишини ташкил этгани ҳақида хабар берилганди.
Изоҳ (0)