Туркия Россия билан муносабатларда низо тарафдори эмас. Бу ҳақда Туркия президенти Ражаб Тоййиб Эрдўғон Туркманистонга кетиш чоғида самолётда журналистларга маълум қилди, деб ёзади «ТАСС».
«Туркияга келадиган бўлсам, биз низо тарафдорлари эмасмиз. Биз Россия билан стратегик алоқаларимизни худди шу йўналишда давом эттиришни истаймиз. Биз уларни сўнгги 10—11 йил давомида муваффақият билан ривожлантириб келдик, шуни давом эттириш тарафдоримиз», — деди у.
Эрдўғон таъкидлашича, баъзи кузатувчиларнинг уриб туширилган Су-24 билан боғлиқ вазият ҳар иккала мамлакат учун атайлаб уюштирилган қопқон эканлиги ҳақидаги баёнотлари нимага асосланганини тушуна олмаяпти.
«Ҳодиса огоҳлантиришларга жавоб қилмаган ва уларга қулоқ солмаган учувчининг айби билан рўй берди», — деди у.
Президент воқеа учун ҳисобни стратегик алоқаларга юкламасликка чақирди. «Энг яқин вақтда буни тузатишимизни хоҳлаган бўлардим», — дея қайд этди у.
Изоҳ (0)