Мухолифатдаги Озод Сурия армияси Москванинг қўллаб-қувватлаш борасидаги таклифини рад этди. Бу ҳақда армия бўлинмаларидан бирининг раҳбари Фарес Баюшга таяниб, Reuters маълум қилди, дея хабар беради «РБК».
«Россия биз бу мамлакатдан сўрамаган ҳаводан кўмак беришни таклиф этишдан олдин биринчи галда Озод армияни бомбардимон қилишни тўхтатиши керак», — дея изоҳ берган мухолифат вакили.
Баюш шунингдек, Москванинг Сурияда янги сайловлар ўтказиш борасидаги чақириқларини ҳам танқид қилди. У бундай баёнотларни «мантиқсиз ва ҳаётдан йироқ» деб атаган. Мухолифат вакили Москва шу тарзда Башар Асадни ҳокимиятда сақлаб қолишни истаётганлигини билдирган.
Озод Сурия армиясига кирувчи бошқа бир бўлинма вакили Фади Аҳмад «Россия аввал Асадни қўллашни тўхтатиши, шундан сўнг ҳамкорлик тўғрисида ўйлаб кўриш мумкинлиги»ни баён қилган.
Изоҳ (0)