Саккизта «Тунгус метеоритлари» Ерга яқинлашмоқда. «ТАСС» хабарига кўра, 31 октябрь — 1 ноябрь кунлари бир неча соатга Ернинг «иккинчи Ойи» — TV145 астероиди пайдо бўлади.
Россиялик олимларнинг қайд этишича, мазкур фазовий жисмлар Ерга ҳеч қандай хавф солмайди. Ўзига хос астероиднинг осмонда пайдо бўлишини 1 ноябрга ўтар кечаси кузатиш мумкин бўлади.
NASA маълумотларига кўра, астероид Ердан тахминан 499 минг километр узоқликдан учиб ўтади. Олимларнинг ҳисоб-китобига кўра, Ерга яқинлашаётган астероид ХХ аср бошида Сибирга қулаган Тунгус метеоритидан тахминан саккиз баробар катта.
«Тунгус метеоритининг диаметри 60—80 метрни ташкил этган. Дастлабки маълумотларга кўра, TV145 астероидининг ҳажми 280—600 метр оралиғида», — дейди Россия Фанлар академияси Астрономия институти вакили.
Изоҳ (0)