Москва вилоятидаги Красногорск шаҳрида тўрт кишини ўлдирганликда айбланувчи Амиран Георгадзе Тимошкино қишлоғида ўлик ҳолда топилди, дея хабар бермоқда «Газета.ru» ички ишлар вазирлиги расмий вакилига таяниб.
«Тимошкино фуқароси ўз уйига қайтганида дераза ойнаси синганини, ичкарида эса жасад ётганини кўрган. Унинг ёнида Макаров, ТТ тўппончалари ва «Сайга» карабини бўлган. Шундан сўнг у полиция чақирган», — деди ИИВ вакили.
Экспертлар гумонланувчи қидирувларнинг биринчи кунида ўз жонига қасд қилганини тахмин этмоқда.
19 октябрь куни Москва вилояти Красногорск тумани маъмурияти биносида туман маъмурияти раҳбарининг биринчи ўринбосари Юрий Караулов ва «Красногорск электр тармоқлари» корхонаси бошлиғи Георгий Котляренко ўлдириб кетилди. Бундан ташқари, қотилликда гумон қилинаётган Амиран Георгадзе тасодифий гувоҳни ва бизнес бўйича ўз ҳамкорини ҳам отиб ташлаган.
Изоҳ (0)