Zara дўконлар тармоғини ҳам ўз ичига олган Inditex libos ритейлери асосчиси, ишбилармон Амансио Ортега Forbes журнали талқинига кўра жаҳоннинг энг бадавлат кишилари рўйхатида биринчи ўринни эгаллади. Бу ҳақда «РБК» хабар бермоқда.
Қайд этиш жоиз, Forbes рейтинги реал вақт режимида янгиланади, у компаниялар акциялари баҳосининг ўзгариши ва бу ўзгаришларнинг миллиардерларнинг бойлигига таъсирини кўрсатиб боради.
Хусусан, сўнгги бир сутка ичида Zara асосчисининг давлати 4,5 миллиард долларга кўпайиб, жами 80,3 миллиард долларга етди. Шундай қилиб, у Microsoft асосчиси Билл Гейтсни иккинчи ўринга тушириб қўйди.
Ортега Bloomberg’нинг миллиардерлар рейтингида иккинчи ўринда бормоқда — мазкур рейтинг ҳам реал вақт режимида янгиланиб боради. Унга кўра, Ортеганинг бойлиги 75,7 миллиард, биринчи ўриндаги Билл Гейтснинг давлати эса 83,9 миллиард долларга баҳоланмоқда.
Изоҳ (0)