Ўзининг банкрот бўлганини эълон қилган рэпер 50 Cent 14 октябрь куни Instagram’даги саҳифасида кўп миқдордаги нақд пул билан бирга тушган суратлари ва видеоларини эълон қилди. Бу ҳақда TJ хабар бермоқда.
50 Cent ўз каравотида йирик купюралар билан бирга ухлади, кулгули саҳна кўринишини ижро этди ва юз долларлик пул тахламларидан «синган» (броке) деб «ёзди». Шунингдек, у ўз обуначиларига кечаси билан ухламагани ва янги қўшиқни омма эътиборига тайёрлаётганини маълум қилди.
50 Cent июль ойининг ўрталарида, собиқ қайлиғи Рика Росса Ластония Левинстонга қарши суд ишида 5 миллион доллар ютқазганидан уч кун ўтиб ўзининг банкротлигини эълон қилганди — Рика Росса хонандани ўзининг рухсатисиз Рика Росса тасвирланган беҳаё видеони интернетга чиқариб юборгани учун судга берганди.
Ўша ойнинг охирида эса рэпер Манхеттен олий судида кўрсатма бериб, ўзининг бадавлатлиги ҳаддан ташқари ошириб кўрсатилгани, қимматбаҳо буюмлар ва автомобилларни дўконларга қайтариб беришга мажбур бўлганини тан олганди.
Изоҳ (0)