BMW автомобилларининг Жанубий Кореяда импорти билан шуғулланувчи BMW Korea компанияси 55 737 машинани чақириб олишга қарор қилди. Бу ҳақда «Интерфакс»нинг Жанубий Корея Ер, инфратузилма ва транспорт вазирлигидан олган маълумотига таяниб, «Ведомости» хабар бермоқда.
Автомобилларни чақириб олишдан мақсад газ тақсимлаш механизмидаги тасмаларнинг носозлигидир. Бу ҳолат BMW’нинг 24 модели ва Mini филиалида кузатилган.
2007 йилнинг ноябридан 2013 йилнинг июнига қадар ишлаб чиқарилган барча машиналар чақириб олинадиган бўлди.
Бундан ташқари, Швециянинг Volvo автомобиллари импорти билан шуғулланувчи Volvo Korea ва мамлакатга Harley Davidson мотоциклларини етказиб берувчи Kiheung Motors компанияси ҳам турли сабабларга кўра, ўз техникаларини чақириб олишга қарор қилган. Бундай ҳолат мамлакатда 30 дона S60 автомобили ва 207 дона XG750 мотоцикли камайишига олиб келади.
Изоҳ (0)