Германиянинг MAN Truck and Bus AG компанияси бош ижрочи директори Йоахим Дрес бошчилигидаги компания вакилларидан иборат делегация Ўзбекистонга келди. Бу ҳақда «Ўзавтосаноат» акциядорлик компанияси матбуот хизмати хабар бермоқда.
Делегация аъзолари Ўзбекистонга ташрифи доирасида JV MAN Auto-Uzbekistan қўшма корхонасида бўлиб, корхонанинг дилерлик ва техник хизмат кўрсатиш маркази фаолияти ҳамда MAN юк автомобилларини йиғиш жараёни билан танишиши кўзда тутилган.
«Мазкур ташрифдан кўзланган асосий мақсад, маҳсулотлар экспорти бозорини янада кенгайтириш ва ҳамкорликни янада ривожлантиришдан иборат. Шунингдек, ташриф доирасида ўтказиладиган учрашувларда юртимизда MAN юк автомобилларининг бутловчи қисмларини ишлаб чиқаришни маҳаллийлаштириш масалаларига ҳам алоҳида эътибор қаратилади», — дейилади компаниа ахборотида.
Изоҳ (0)