Россиядаги қурол-яроғ кўргазмасига Украина делегацияси ҳам ташриф буюрди

Россиянинг Нижний Тагил шаҳрида бўлиб ўтаётган Russia Arms Expo (RAE-2015) қурол-яроғ кўргазмасига дунёнинг 65 мамлакати, жумладан, Эрон, Франция, Германия, Польша, Украина, АҚШ, Канада, Хитой, Ҳиндистон ва Кореядан делегациялар ташриф буюрди. Меҳмонлар орасида Саудия Арабистони, Кувайт ва Таиланд мудофаа вазирлари бор. Бу ҳақда «ТАСС» хабар бермоқда.

Кўргазмада Россиянинг қурол-аслаҳа ишлаб чиқарувчи барча йирик компаниялари иштирок этмоқда. Соҳадаги янгиликлар, хусусан, «Армата» платформасидаги танк ва БМП, араб мамлакатлари учун мослаштирилган Т-90 танки келганларнинг катта қизиқишига сабаб бўлмоқда.