Хитойнинг Тяньцзинь шаҳридаги хавфли кимёвий моддалар сақланувчи омборхонада 12 август куни юз берган портлашлар натижасида қурбон бўлганлар сони 163 кишига етди. Бу ҳақда «ТАСС» хабар бермоқда.
Хитой марказий телевидениеси ахборотига кўра, ҳозирча 10 киши бедарак йўқолган, деб гумон қилинмоқда, 800 га яқин одам турли даражада тан жароҳати олган.
Портлашлар «Жуйхай» логистика компанияси омборхоналарида юз берган эди. Портлашнинг зарб тўлқини 2 километр масофадаги уйларнинг деразаларини синдириб ташлади ва мингдан ортиқ автомобилларга зарар етказди.
Изоҳ (0)