2015 йил августида АҚШдаги ишсизлик даражаси 5,3 фоиздан 5,1 фоизгача тушди. Охирги марта 2008 йил апрелида бу кўрсаткичдан паст рақам қайд этилган. Бу ҳақда мамлакат Меҳнат статистика бюроси маълумотларига асосланиб, «РБК» хабар бермоқда.
Ишсизлик даражасининг пасайиши экспертлар тахмин қилганидан ҳам (5,2%) кўпроқ бўлди. Шу билан бирга, АҚШда августда қайта яратилган иш ўринлари сони кутилганидан кўра оз — 215 минг эмас, 173 минг бўлди, холос. Уларнинг аксарияти соғлиқни сақлаш, ижтимоий ва молия соҳаларида қайд этилган.
Изоҳ (0)