Тошкент шаҳар Шайхонтоҳур туманидаги “Чорсу” бозорида машинадан 128 миллион сўм пуллар ўғирлаб кетилди. Бу ҳақда пойтахт ИИББ матбуот хизмати хабар қилди.|
Маълум бўлишича, соат 09:30 лар атрофида 102 рақами орқали “Чорсу” бозорининг автотураргоҳида Nexia русумли машина очилгани ҳамда унда бўлган тахминан 128 миллион сўм нақд пуллар ўғирлаб кетилгани маълум қилинган.
Ўтказилган тезкор суриштирувлар натижасида ушбу жиноятни О. исмли шахс содир этганлиги аниқланиб, фуқаро қўлга олинди.
Фуқаро машинани очиб ундаги пулларни олганини, маблағларнинг бир қисмини алимент қарздорлиги учун тўлаб, қолганини айш-ишрат учун сарфлаб юборганини билдирган. У 2018 ва 2012 йилларда судланганини ҳам маълум қилган.
Мазкур ҳолат юзасидан Жиноят кодексининг 169-моддаси билан жиноят иши қўзғатилиб, қамоққа олиш эҳтиёт чораси қўлланган.
Аввалроқ Тошкент вилоятида юзларини яширган уч киши тўлов терминалини ўғирлаб кетгани тўғрисида хабар қилинганди. Ҳодиса дўкон ёнида ўрнатилган кузатув камерасига тушиб қолган.
Изоҳ (0)