Бугунги кунда Ўзбекистон давлат жаҳон тиллари университетининг моддий-техник базасини мустаҳкамлаш ва кенгайтириш борасида қатор ишлар амалга оширилмоқда. Бу ҳақда «Дарё»нинг штатдан ташқари мухбири Мадина Нурман хабар берди.
Ўзбекистон Республикаси Президентининг 2013 йил 23 майдаги «Ўзбекистон давлат жаҳон тиллари университетининг фаолиятини такомиллаштириш чора-тадбирлари тўғрисида»ги ПҚ-1971-сонли ва Ўзбекистон Республикаси Вазирлар Маҳкамасининг 2013 йил 13 августдаги «Ўзбекистон давлат жаҳон тиллари университетининг моддий-техник базасини янада ривожлантириш чора-тадбирлари тўғрисида»ги 222-сонли қарорлари бўйича қурилиш ишлари бошланган эди.
2013—2015 йилларда Ўзбекистон давлат жаҳон тиллари университетининг 8 та объектлари қурилиши, реконструкцияси ва капитал таъмирланиши инвестиция дастурига киритилди.
Жумладан, иккита янги: 2200 ўринли ўқув маъмурий биноси ва янги спорт мажмуаси қурилиши жорий йилнинг сентябрь ойига қадар тугалланиши режалаштирилган.
5 та асосий бино: 2 та ўқув биноси, 1 та ахборот-ресурс маркази, 1 та талабалар турар жойи ва 1 та ошхона биноси, хорижий мутахассислар учун 20 ўринли меҳмонхоналарни қуриш ва реконструкция қилиш ишлари амалга оширилмоқда.
Мазкур объектларни замонавий талаблар асосида қуриш, реконструкция қилиш ва капитал таъмирлаш ҳамда замонавий ўқув жиҳозлари билан таъминлаш учун шу кунга қадар жами 106,8 миллиард сўм маблағ ажратилган.
Изоҳ (0)