АҚШнинг Чикаго шаҳри ва унинг атрофида яшовчи ўзбекистонликлар Ўзбекистоннинг Мустақиллик кунини нишонлади, дея хабар бермоқда «Газета.uz» Чикагодаги Ўзбекистон-Америка ассоциациясига таяниб.
Анъанавий тадбир Ўзбекистон мадҳиясини ижро этиш билан бошланди. Ўзбек ҳамжамияти етакчиси Олимжон Шарипов Ўзбекистон халқини байрам билан табриклади. Болалар ўзбек тилида Ватан ҳақидаги шеърларни айтди.
Япония, Россия, Литва, АҚШ, Афғонистон каби бошқа мамлакатлар вакиллари ҳам табрик сўзлари билан чиқди.
Ўзбек миллий таомлари — палов, кабоб, манти, сомса ва бошқалар пиширилди.
Изоҳ (0)