Туркия президенти Ражаб Тоййиб Эрдўғон 25 август, сешанба куни мамлакат бош вазири Аҳмад Давутўғлига парламентга бўладиган муддатидан аввалги сайловларгача амал қиладиган муваққат ҳукумат тузиш учун ваколат берди. Бу ҳақда президент маъмурияти баёнотига таяниб, «РИА Новости» хабар бермоқда.
Аввалроқ Туркия президентининг парламентга муддатидан олдин сайловлар ўтказиш тўғрисидаги қарори ҳақида давлат раҳбарининг расмий сайтида эълон қилинган эди. Сайловлар 1 ноябрда бўлиб ўтиши мумкин.
Муваққат ҳукумат беш кун муддатда тузилиши керак.
Президент бош вазирга 9 июль куни ҳукумат коалициясини тузиш ваколатини берган, бироқ Аҳмад Давутўғли 18 август, сешанба куни Ражаб Тоййиб Эрдўғон билан учрашув ўтказиб, ҳукумат коалицияси тузиш ҳақидаги музокаралар муваффақиятсиз кечганини маълум қилган эди.
Изоҳ (0)