Yevropaning eng yirik ilmiy muzeylaridan biri — Parijdagi Fan va sanoat shaharchasida yong‘in yuz berdi. Bu haqda Inquirer.net xabar bermoqda.
“Olovni o‘chirish oson bo‘lmaydi”, — dedi Parij o‘t o‘chirish xizmati vakili. France Info xabariga ko‘ra, yong‘in binoning olti qavatini qamrab olgan.
Qayd etishlaricha, kelib chiqish sababi noma’lum bo‘lgan yong‘in erta tongda qurilish ishlari olib borilayotgan inshootda boshlangan. Oxir-oqibat olov 10 ming kvadrat metr maydonni egallagan.
Hodisa joyiga 30 dona maxsus texnika yetib kelgan, 120 nafar o‘t o‘chiruvchi ishlamoqda, ulardan ikki nafari kichik tan jarohati olgan.
Parijdagi Fan va sanoat shaharchasi jahondagi eng yirik ilmiy-texnikaviy muzeylardan biri bo‘lib, 1986-yilda ochilgan. Unga har yili 5 millionga yaqin odam tashrif buyuradi.
Izoh (0)