Janubiy Koreya qo‘shinlari yuqori darajadagi jangovar tayyorgarlik holatiga o‘tkazildi. Bu haqda “RBK” xabar bermoqda.
O‘z navbatida, Janubiy Koreya milliy xavfsizlik vazirligidagi manbalarning ma’lum qilishicha, Shimoliy Koreyaning chegara yaqinidagi armiya bo‘linmalari ham trevoga bo‘yicha safarbar etilgan.
Janubiy Koreya artilleriya otishmasi yuz bergan hududga yaqin joydagi fuqarolarni evakuatsiya qilish ishlarini olib bormoqda. Mamlakatda milliy xavfsizlik kengashining favqulodda majlisi chaqirildi.
20-avgust kuni Janubiy va Shimoliy Koreya o‘rtasidagi qurolsizlantirilgan hududda artilleriya otishmasi yuz berdi.
Xususan, KXDR targ‘ibot xabarlarini eshittirish uchun mo‘ljallangan Janubiy Koreyaning ovoz kuchaytirgichlariga qarata 25 ta snaryad uchirdi.
Bunga javoban Janubiy Koreya bir necha o‘nlab 155 millimetrli artilleriya snaryadlarini KXDR tomon otdi.
Izoh (0)