Швеция полицияси пойтахт Стокгольмдан 100 километр ғарбда жойлашган Вестерос шаҳридаги ИКЕА дўконига келган харидорларга пичоқ билан ташланганликда гумон қилиб, 23 ва 35 ёшдаги икки эркакни ҳибсга олди. Бу ҳақда махсус матбуот анжуманида маълум қилинди, дея хабар бермоқда «ТАСС».
Биринчи гумонланувчи ҳужумдан 20 дақиқа ўтгач автобус бекатида қўлга олинган, 23 ёшли йигит қаршилик кўрсатмаган. Унга қасддан қотиллик айби қўйилди. Иккинчи гумонланувчи жароҳатлар билан касалхонага ётқизилган. У операцияни бошидан ўтказди, ҳолати оғир дея баҳоланмоқда.
Полиция вакиллари ушбу ҳужум оқибатида икки киши — эркак ва аёл ҳалок бўлганини тасдиқлади, аммо бундан кўзда тутилган мақсад ҳозирча номаълум эканлигини таъкидлади.
Изоҳ (0)