Иқтисодий ҳамкорлик ва ривожланиш ташкилоти (ИҲРТ) россияликларни Европадаги энг самарасиз ходимлар деб топди: меҳнат унуми бўйича (бир иш соати ҳисобида ЯИМ —ялпи ички маҳсулот улуши) Россия соатига 25,9 доллар кўрсаткич билан Европа давлатлари орасида охирги ўринни эгаллади. Бу ҳақда Meduza хабар берди.
Шу билан бирга, россияликлар иш жойида йилига ўртача 1982 соат вақтини ўтказади — бу Европадаги иккинчи кўрсаткич. Улардан кўпроқ греклар меҳнат қилади, холос — йилига 2034 соат (бу мамлакатда 1 иш соатида ЯИМ улуши 36,2 долларга тенг).
Европаликлар йилига ўртача 1555 соат ишда бўлади, уларнинг иш унуми соатига 55,9 долларни ташкил этди. Таққослаш учун, америкаликлар йилига ўртача 1790 соат меҳнат билан банд, уларнинг иш унумдорлиги соатига 67,4 доллардан иборат.
Изоҳ (0)