Shvetsiya politsiyasi poytaxt Stokgolmdan 100 kilometr g‘arbda joylashgan Vesteros shahridagi IKEA do‘koniga kelgan xaridorlarga pichoq bilan tashlanganlikda gumon qilib, 23 va 35 yoshdagi ikki erkakni hibsga oldi. Bu haqda maxsus matbuot anjumanida ma’lum qilindi, deya xabar bermoqda “TASS”.
Birinchi gumonlanuvchi hujumdan 20 daqiqa o‘tgach avtobus bekatida qo‘lga olingan, 23 yoshli yigit qarshilik ko‘rsatmagan. Unga qasddan qotillik aybi qo‘yildi. Ikkinchi gumonlanuvchi jarohatlar bilan kasalxonaga yotqizilgan. U operatsiyani boshidan o‘tkazdi, holati og‘ir deya baholanmoqda.
Politsiya vakillari ushbu hujum oqibatida ikki kishi — erkak va ayol halok bo‘lganini tasdiqladi, ammo bundan ko‘zda tutilgan maqsad hozircha noma’lum ekanligini ta’kidladi.
Izoh (0)