Ўтган ҳафта Жанубий Африка Республикасига ташриф буюрган шаҳзода Гарри махфий тарзда браконьерларга қарши курашда қатнашди. «ТАСС» хабарига кўра, Гарри Крюгер миллий боғидаги ҳарбий лагерларнинг бирида бўлиб, маҳаллий ҳарбийлар билан бирга тунги патрулда иштирок этди.
Британия шаҳзодаси ўқотар қурол ва мачетелар билан қуролланган браконьерлар тўдасига қарши шахсан ўзи курашга киришган. Тўқнашув Тимсоҳ дарёси бўйида содир бўлган. Жиноятчилардан бири ярадор қилинган, унинг йирик калибрли ўқотар қуроли мусодара қилинган.
Патруль вақтида браконьерларнинг тундаги ҳаракатларини аниқлаш мақсадида тепловизорли Gazelle вертолётидан, шунингдек, ҳаво разведкасининг икки самолёти ва бир неча дронлардан фойдаланилган. Айни вақтда, маҳаллий қўмондонлик Гаррининг Apache вертолётини бошқариш тажрибасидан фойдаланиш мақсадида, унга вертолёт бошқарувини ишониб топширишга қарор қилган.
Баъзи маълумотларга кўра, ҳар куни йирик калибрли ўқотар қуроллар, болталар ва гранаталар билан қуролланган 40 нафаргача браконьерлар қўшни Мозамбик ҳудудидан Крюгер миллий боғига яширинча кириб келади. Гаррининг жанубий африкалик устози, ЖАР армиясининг истеъфодаги генерал-майори Йохан Юсте шундай дейди: «Қуролланган чет эллик жиноятчилар Жанубий Африкага қарши уруш эълон қилди. Уларга қақшатқич зарба берамиз ва ғалаба қозонамиз».
Изоҳ (0)