Facebook Messenger мобиль дастуридан энди барча, жумладан, Facebook тармоғига кирмайдиганлар ҳам фойдаланиши мумкин. Бу ҳақда компанияда дастурларни ривожлантириш бўйича масъул бўлган мутахассис Дэвид Маркус маълум қилган, дея хабар бермоқда «Lookatme.ru».
Олдинроқ дастурдан Facebook'да аккаунт очмай фақат АҚШ, Канада, Венесуэла ва Перу аҳолисигина фойдаланиши мумкин эди. Энди бундай имконият, яшаш жойларидан қатъий назар, ўзларига дастурни ўрнатган барча смартфон эгаларида пайдо бўлди.
Дастурдан фойдаланмоқчи бўлганлар исм-шарифи ва телефон рақамини маълум қилиш лозим. Дастур Facebook'дан фойдаланиш таклифини беради, аммо бу мажбурий эмас.
Изоҳ (0)