Samsung дунёдаги энг ингичка Galaxy Tab S2 планшетларини расман тақдим этди

Жанубий Кореянинг Samsung компанияси Galaxy Tab S2 — дунёдаги энг ингичка планшетларини тақдим этди, дея хабар бермоқда «Mail.ru».

Янги флагман планшетлари икки хил: Galaxy Tab S2 9.7 ва Galaxy Tab S2 8.0 версияларида тақдим этилди, улар тегишли равишда 9,7 ва 8 дюймли ҳамда 2048×1536 пикселли дисплейларга эга. Шунингдек, улар саккиз ядроли фирма процессори, 3 Гб тезкор ва 32/64 Гб доимий хотира (+microSD), 8 мегапикселли асосий ва 2,1 мегапикселли олд камера билан жиҳозланган.

Galaxy Tab S2 9.7 169×237×5,6 мм, Galaxy Tab S2 8.0 эса 134,8×198,6×5,6 мм ўлчамларга эга.

Планшетлар кейинги ойда сотувга чиқади. Galaxy Tab S2 8.0 399 (Wi-Fi’ли версияси) ва 469 (LTE’ли версияси) евродан, Galaxy Tab S2 9.7 эса 499 (Wi-Fi’ли версияси) ва 569 (LTE’ли версияси) евродан сотилиши хабар қилинмоқда.