Куба инқилоби етакчиси Фидель Кастро 7 кун ичида иккинчи марта омма олдига чиқди. Бу ҳақда Куба коммунистларининг Granma газетасига асосланиб «ТАСС» хабар берган.
Газета маълумотларига кўра, 9 июль куни у Ички ишлар вазирлиги ва Қуролли кучлар офицерлари ва фуқаролик хизматчилари билан учрашиб, уларга эришган ютуқлари учун мукофотлар топширган. Бу Кастро 3 июль куни оролнинг пишлоқ ишлаб чиқарувчилари билан тўрт соат давом этган учрашувидан бир ҳафта ўтиб содир бўлди.
2006 йилда оғир касаллик туфайли сиёсий саҳнадан кетган 88 ёшли сиёсатчи бунгача апрель ойида Гаванадаги мактаблардан бирига ташриф буюриб, Венесуэла делегацияси аъзолари билан учрашган эди. Бундан ташқари, май ойида Кастро ўз қароргоҳида Япония ташқи ишлар вазири Фумио Кисида, Франция президенти Франсуа Олланд ва Сербия президенти Томислав Николични қабул қилган.
Изоҳ (0)