Fidel Kastro 7 kun ichida ikkinchi marta omma oldiga chiqdi
Kuba inqilobi yetakchisi Fidel Kastro 7 kun ichida ikkinchi marta omma oldiga chiqdi. Bu haqda Kuba kommunistlarining Granma gazetasiga asoslanib “TASS” xabar bergan.
Gazeta ma’lumotlariga ko‘ra, 9-iyul kuni u Ichki ishlar vazirligi va Qurolli kuchlar ofitserlari va fuqarolik xizmatchilari bilan uchrashib, ularga erishgan yutuqlari uchun mukofotlar topshirgan. Bu Kastro 3-iyul kuni orolning pishloq ishlab chiqaruvchilari bilan to‘rt soat davom etgan uchrashuvidan bir hafta o‘tib sodir bo‘ldi.
2006-yilda og‘ir kasallik tufayli siyosiy sahnadan ketgan 88 yoshli siyosatchi bungacha aprel oyida Gavanadagi maktablardan biriga tashrif buyurib, Venesuela delegatsiyasi a’zolari bilan uchrashgan edi. Bundan tashqari, may oyida Kastro o‘z qarorgohida Yaponiya tashqi ishlar vaziri Fumio Kisida, Fransiya prezidenti Fransua Olland va Serbiya prezidenti Tomislav Nikolichni qabul qilgan.
