Украинанинг Закарпатская вилояти прокуратурасининг тергов бўлими Мукачёводаги отишмалар юзасидан жиноий ташкилот тузиш ва террорчилик ҳаракатини амалга ошириш ҳолати бўйича тергов бошлади, дея хабар бермоқда «Корреспондент.net».
Нашр прокуратурага таяниб эслатишича, 11 июль куни Мукачёвода «Ўнг сектор» ёзуви туширилган ола-була ҳарбий кийимдаги йигирмага яқин киши маҳаллий фуқаро билан олдиндан келишган ҳолда кафелардан бирида учрашган. Орада низо чиқиб, ушбу шахслар ўқотар қуролдан ўт оча бошлаган. Воқеа жойига етиб келган милиция ходимларидан олти киши, фуқаролардан уч киши яраланган. «Ўнг сектор» ёзуви остидаги қуролланган шахслар орасида эса беш киши жабрланган.
Шундан сўнг, ола-була кийимдаги шахслар ҳуқуқ ҳимоячилари талабларини бажаришдан бош тортиб, Мукачёво шаҳри ташқарисига йўналди ва у ерда баррикадалар қуриб олди. Айни пайтда уларни қуролсизлантириш операцияси давом этмоқда.
Изоҳ (0)