Хитойда MERS (Яқин Шарқ респиратор синдроми) коронавируси билан зарарлангани тасдиқланган биринчи бемор – Жанубий Корея фуқаросига касалхонадан кетишга рухсат берилди. Бу ҳақда «РИА Новости» хабар бермоқда.
44 ёшли эркак Хитойга Жанубий Кореядан келган, сафар арафасида MERS’га чалинган қариндошлари билан мулоқотда бўлган. 21 май куни иситмаси чиққани, шифокор унга сафарни қолдиришни тавсия қилганига қарамай, 26 май куни у Гонгконгга келган.
Шундан сўнг Шенчжен орқали Хуэйчжоу шаҳрига етиб келган. Гуандун вилоятида 29 май куни хитойлик шифокорлар беморни MERS вирусига қарши текширганида, тест ижобий натижа кўрсатган (яъни, касаллик аниқланган).
«Беморда 10 кундан ортиқ вақт давомида юқори ҳарорат кузатилмади, MERS’ни аниқлашга қаратилган тест эса икки марта салбий натижа кўрсатди», - дейилади маҳаллий маъмурият хабарида.
Изоҳ (0)