НАТО Парламент ассамблеяси делегацияси альянс коалициясининг Афғонистондаги миссияси якунига етаётгани муносабати билан Марказий Осиёда хавфсизлик ва барқарорлик масалаларини муҳокама қилиш учун Остонага ташриф буюрди. Бу ҳақда Newskaz.ru хабар бермоқда.
Делегация билан учрашув вақтида мамлакат ташқи ишлар вазири Ерлан Идрисов Қозоғистон НАТО билан ҳамкорликка катта эътибор қаратишини, халқаро ва минтақавий хавфсизликни таъминлашда Альянсни муҳим ҳамкор деб билишини маълум қилди.
Вазирнинг сўзларига кўра, Афғонистондаги вазиятни барқарорлаштиришга кўмак бериш Қозоғистон ташқи сиёсатининг асосий йўналишларидан бири бўлиб қолади.
Идрисовнинг қайд этишича, Қозоғистон НАТОнинг Афғонистон Миллий хавфсизлик кучлари салоҳиятини оширишга ва Афғонистонда НАТОнинг янги миссиясини ўтказишга қаратилган саъй-ҳаракатларини олқишлайди.
Музокаралар давомида томонлар тинчликпарварлик фаолияти доирасидаги ҳамкорлик масалаларини ҳам муҳокама қилишди.
Изоҳ (0)