Даниянинг 24/7 радиостанцияси бошловчиси Асгер Юль 25 май куни жониворлар ҳуқуқларини ҳимоя қилишга бағишланган эшиттиришнинг тўғридан-тўғри эфирида қуён боласини ўлдирди, дея хабар бермоқда ТАСС.
Унинг сўзларига кўра, у шу тариқа қироллик фуқароларининг бу муаммога иккиюзламачилик билан муносабатда бўлишини кўрсатиб бермоқчи бўлган.
«Данияликлар ҳар куни гўшт ейди, бироқ қотиллик тушунчасига тоқат қила олмайди, — деди бошловчи ҳодисадан сўнг. — Бу бемаънилик. Ахир гўшт ейиш учун жониворни ўлдириш керак».
«Мен тамадди қилиб олишим керак, демак бу ҳайвон менинг истагимни қондириш учун ўлиши керак», — деди у кечки овқатга қуён гўштли таом ейишини айтар экан.
Юль жониворни ўлдириш орқали одамларни ўйлашга мажбур қилмоқчи ва баҳс-мунозара келтириб чиқармоқчи бўлганини таъкидлади. Бироқ эшиттиришдан кейин данияликлар ОАВ ва ижтимоий тармоқларда ушбу ҳодиса юзасидан норозилик билдирди.
Изоҳ (0)