Покистон президентининг ўғлини ўлдириш мақсадида уюштирилган теракт натижасида камида уч киши ҳалок бўлди, яна 15 киши тан жароҳати олди. Бу ҳақда «РИА Новости» хабар бермоқда.
Яраланганларнинг беш нафари полициячилар бўлиб, улардан бирининг аҳволи оғир эканлиги айтилмоқда. Портлаш Синд ва Белужистон вилоятларини бирлаштирувчи магистрал ёқасидаги меҳмонхона олдида юз берган.
Полиция маълумотларига кўра, портловчи мослама мотоциклга ўрнатилган бўлган ва масофадан туриб ҳаракатга келтирилган.
Теракт меҳмонхона яқинидан Покистон президентининг ўғли – Сулаймон ўтиб кетаётган вақтда юз берган, бироқ унга зарар етмаган.
Изоҳ (0)