Яманнинг Таиз шаҳрида ёнилғи солинган цистерна портлаши натижасида камида 29 киши ҳалок бўлди ва юзга яқини жароҳат олди, дея хабар бермоқда ТАСС араб ОАВларига таяниб.
Маълумотларга кўра, ҳодиса Эл-Масбах шаҳрининг турар жой даҳасида содир бўлган. Гувоҳлар айтишича, портлаш жойида бир неча ўнлаб тўлиқ куйиб кетган жасадлар қолган, ўнлаб шаҳарликлар кучли куйиш жароҳатлари олган.
Таиздаги мамлакат президенти Абду Раббо Мансур Ҳодий тарафдори бўлган кўнгилли қўшинлар ҳодисада шиаларнинг «Ансар Аллоҳ» ҳаракати қўли борлигини айтмоқда. Уларнинг сўзларига кўра, «хусийлар цистерна атрофида юзлаб яманликлар йиғилишини кутиб, сўнг уни нишонга олган». «Ансар Аллоҳ» эса ўз навбатида буни рад этиб, цистернага шаҳарда давом этаётган жанговар ҳаракатлар чоғида отилган дайди снаряд келиб текканини таъкидламоқда.
Изоҳ (0)