Россия ва Хитой 11 май куни Новороссийскда ҳарбий денгиз машғулотларини бошлади. Машғулотларнинг асосий қисми Ўртаер денгизида бўлиб ўтади, деб хабар қилади «Koрреспондент.net».
Россия мудофаа вазирлиги берган хабарга кўра, машғулотлар учинчи томонга ёки минтақадаги сиёсий вазиятга қарши қаратилмаган. Унда Россия ҳарбий денгиз флоти ва Хитой ҳарбий денгиз кучларидан тахминан 10 тача кема иштирок этади.
Россия Федерацияси мудофаа вазири ўринбосари Анатолий Антоновнинг сўзларига кўра, Россия—Хитой ҳарбий ҳамкорлиги янги чақирув ва хавфларга нисбатан иккала томоннинг биргаликдаги салоҳиятини оширишга қаратилган. Антонов 2015 йилнинг август ойида Япон денгизида Хитой билан яна бир ўқув машғулоти ўтказилишини таъкидлаб ўтди.
3 сентябрь куни Хитойда Иккинчи жаҳон урушидаги ғалабанинг 70 йиллик тантаналарига бағишланган парадга россиялик ҳарбийлар ҳам боради.
Изоҳ (0)