Шимолий Корея мамлакатнинг шарқий соҳилларида жойлашган Вонсан портидан «кема – кема» тоифасидаги қисқа масофага мўлжалланган учта ракетани синов тариқасида учирди. Бу ҳақда Korrespondent.net хабар бермоқда.
Қўшинларнинг бирлашган штаби маълумотларига кўра, қисқа масофага мўлжалланган KN-01 ракеталари учирилган. Ракеталар Япон денгизи томон маҳаллий вақт билан 16:25дан 17:23гача бўлган оралиқда учирилган.
Yonhap ахборот агентлиги хабарига кўра, КХДР ракеталарни, агар Жанубий Корея кемалари Сариқ денгизда чегарани бузиб ўтишга уринса, огоҳлантирмасдан ўт очиш билан таҳдид қилганидан сўнг учирган.
Kyodo агентлиги маълумотларига кўра, учирилган ракеталар 100 километр узоқликдаги нишонгача етиб бора олади. Бу 6 февраль куни КХДР етакчиси Ким Чен Иннинг шахсий кузатуви остида учирилган ракеталарнинг яхшиланган вариантидир.
Изоҳ (0)