Нидерландиялик рассом Винсент Ван Гогнинг «Алискамп» (1888 йил) картинаси Нью-Йоркда Sotheby’s аукцион уйи томонидан ташкил қилинган кимошди савдосида 66,3 миллион долларга сотилди, дея хабар бермоқда ТАСС.
Ушбу кузги манзара Ван Гог томонидан Франциянинг Арль шаҳрида Пол Гоген билан екама-елка ишлаш чоғида яратилган. Суратда Арлдаги Алискамп хиёбони акс этган. Унинг белгиланган нархи 40 миллион долларни ташкил этган эди.
Кимошди савдосида шунингдек, франциялик Клод Моненинг «Сув лилиялари» картинаси 54 миллион долларга, испаниялик Пабло Пикассонинг «Креслодаги шиньонли аёл» расми 29,9 миллион долларга сотилди.
Изоҳ (0)