Ҳиндистонлик зиёратчиларни олиб кетаётган автобус Непалдаги дарага қулаши оқибатида 12 киши ҳалок бўлди, 27 киши тан жароҳати олди. Бу ҳақда «РИА Новости» хабар берди.
Ҳиндистоннинг Гужарат штатидан келган 45 зиёратчини олиб кетаётган автобус 100 метр баландликдаги тоғ йўлидан дарага қулаган. Зиёратчилар Катмандудаги Пашупатитантх ибодатхонасидаги зиёратдан сўнг Ҳиндистонга қайтаётган эди.
Ҳодиса жойида қутқарув ишлари олиб борилмоқда, унда маҳаллий аҳоли ва хавфсизлик хизмати ходимлари иштирок этмоқда. Жароҳатланган йўловчилар Катмандудаги касалхонага етказилган, улардан олти нафарининг аҳволи жуда оғир эканлиги айтилмоқда.
Автобус дарага тиқилиб қолган, тахминларга кўра, аксарият йўловчилар автобус остида, чиқолмай турган бўлиши мумкин.
Пашупатинатх ибодатхона мажмуаси Багмати дарёси қирғоқларида жойлашган бўлиб, ҳиндуийларнинг Шива худоси манифестацияларидан бири – жониворлар ҳомийси Пашупатинатхга бағишланган. Ибодатхона V асрда қурилган бўлиб, ҳар йили унга минглаб сайёҳлар ва, асосан, Ҳиндистондан келадиган зиёратчилар ташриф буюришади.
Изоҳ (0)