Япония бош вазирининг Токиодаги қароргоҳи томидан камера ўрнатилган дрон топилди

22 апрель, чоршанба куни Япония бош вазири Шинжо Абэнинг Токиодаги расмий қароргоҳи томида камера билан жиҳозланган кичик учувчисиз учар қурилма аниқланди, дея хабар бермоқда «Новости-Казахстан» агентлиги «Киодо»га таяниб.

«Бош вазир қароргоҳи томида топилган митти қурилма — дроннинг диаметри 50 см бўлиб, нимаси биландир тутун ҳосил қиладиган шашкага ўхшаб кетади», — деб ёзади агентлик.

Полиция учар қурилманинг қаердан пайдо бўлгани ва у Токиодаги кучли қўриқланадиган объектга қандай келиб қолганини аниқлашга уринмоқда.