Ўзбекистонлик теннисчи Альбина Хабибулина Чимкентдаги иштирокини ғалаба билан бошлади

Қозоғистоннинг Чимкент шаҳрида теннис бўйича мукофот жамғармаси 10 минг АҚШ долларидан иборат бўлган турнирнинг асосий тўр биринчи давра баҳслари давом этмоқда. Ушбу мусобақанинг асосий тўрида Ўзбекистондан 7 нафар теннисчи иштирок этмоқда, деб хабар беради «Olamsport.com».

Ўзбекистонлик истеъдодли теннисчи Альбина Хабибулина илк даврада беларуслик Виктория Мунга қарши кортга чиқди ва рақибасини 6:3, 6:2 ҳисобида таслим этди.

Энди Альбина чорак финал йўлида турнирнинг иккинчи ракеткаси қозоғистонлик Камила Керимбаева билан ҳисоб-китоб қилади. Керимбаева биринчи босқичда россиялик Александра Поспеловадан устун келди.